De nom de caki figuris in Uropi.
Raj[]
U raj.
Andubim in tale lingas.
Dama, raja[]
U dama.
Usia vezìr, lu se de maj finden vorde. Parkà ne garo obe vorde wim in Katalàni, Espàni, Franci, Rumàni, Esperanto, Polski, Slovèni, Bulgari ? Vezìr o ministor sem uskluzen par in mole lande ministore jeg nun vezi rola su kambipolde.
Tor[]
U tor.
Di se de maj komùn vord, subetàl is un ajùt de neri vorde wim kastèl o fort (Indonesi benteng).
Kwal, kwalor[]
U kwal.
Nu moz garo obe vorde wim in Afrikaans (perd, ruiter).
Renor[]
U renor.
Obte je vid uzen in mole lingas de vord elefànt vid uskluzen par je se geograficim limiten a eki lande. Biskòv vid os uskluzen par je se limiten a un religiòn. Sim ka rest je ? Matin (o cestor) se mati id un irad: je rest no renor (u persòn we ren id u mesendor) wim in Doski (Laüfer), Nizilandi (loper), Dani (løber), Norveji (løper), Romanci (currider), Esperanto (kuriero), Polski (goniec). Un alten interesan mozlid sev stiror (Tceki střelec, Slovaki strelec) o cagor (Serbi, Kroati lovac, Slovèni lovec), ba je se tio limiten.
Podin[]
U podin
U vord we vid uzen in alten jege. Wim in de magi majsad lingus, di vord ven od pod (Lat. pes, pedis): pion, pedone, peón, peó, pedes, peoi, peão, pe∂, pezh-gwerin, pėstininkas… id os Slavi vorde wim peška, pešiak, pišak, pešak, pěšec we sin podan (VZ Rusi идтн пешком "idti peckom" = ito podim). Sim se os de vorde wim piyada, pijoda, pyjada we ven od Persi pyāda o Hindi pyādā. Je sin obvizim poditor, podisoldàt wim de Lituvi vord pėstininkas.
Cak id cak-mat[]
De nar raj vid cak-maten.
Di uspresade ven od de Persi vorde shah mat = de raj se nizbiten.