Fandom

Uropi Wikia

D'aksènt in Uropi

217pages on
this wiki
Add New Page
Comments0 Share

I longim koskrivì ki UrKreator po befènd vido maj o min siuri te i incèp bun de regle ov de aksènt in Uropi. Zis wa i moz proseto vo.

Tri kaze Edit

De general regel se te in Uropi aksènt fal su de rod.

Sim un moz dezo te aksènt moz falo su de posni, forposni o forforposni silabe wim in Itali.

  1. wan de vord fend pa un aksenten sufìks o fendad
  2. wan de vord av nun sufìks
  3. wan de vord av u sufìks

Aksenten sufìks o fendad Edit

Je ste un gramatiki fendad, , po de pasen tem, we talvos per de aksènt. Tale alten gramatiki fendade inflùj ne de sta de aksenti.

Je ste tri sufikse we talvos per de aksènt: lu se -isma, -ìst id -èl.

Vorde ane sufìks Edit

Wan u vord av nun sufìks (usim de kaz de verbis be de pasen tem), de aksènt fal talvos su de som silàb wim in de rodivòrd.

Sampe:

  1. Unsilabi rode: bren;  breni breno, brenan, brenen;
  2. Unsilabi rode ki a: kafa, kafas...
  3. Molisilabi rode: gardin, gardine, gardini...; cemènt, cementi..

Vorde ki un sufìks o ki vari sufikseEdit

Wan un vord av un o vari sufikse, de aksènt fal talvos be de silàb for de posni sufìks.

Sampe:

  • dom, domizo, domizan, domizad, domizor, domizore...
  • faniatik, fanatiki, fanatikor, fanatikore...
  • gardin, gardinor, gardinora...

Pocere: be u verb, de fendad -anse un gramatiki fendad (prosàn particìp), we muv ne de aksènt; ba se som fendad moz os so u sufìks, wim in Kebèk, Kebekan (indikan domore)...

Ko seto de skriven aksènt? Edit

Obvigi aksentisige Edit

De skriven aksènt se u sig su vokale (à, è, ì, ò, ù) we dik te de aksènt fal su di vokàl.

Je ste tri kaze in wen je se obvigi seto skriven aksènt in u vord.

  1. wan de aksènt fal be de posni od vari silabe (sampe: silàb, aksentisìg)
  2. po dissigo diftonge: mìa, lìa (we vid usvoken mi-a, ne lja)
  3. wan je ste u cans komìco du vorde, cevim wan un od de du vorde av un anaksenten sufìks o fendad

Zis eke ampe de trij kaz:

  • domòr ≠ domor -> domòri, domori
  • generàl ≠ general -> generàlim (wim un generàl), generalim
  • avàd ≠ avad -> avàdi, avadi
  • komèt ≠ komet -> komète, komete


Koraden skriven aksènte Edit

In eke kaze, je moz so koraden seto un aksentisìg su u vord oʒe wan je s' ne obvigi par di vord somiv a u vord de trij kazi zi sube. Da usvèn wan de vord fend ki un aksenten silàb we se somi a un anaksenten silàb o sufìks.

Sampe

  • polìco (≠ de sufìks ic)
  • apsàn, apsàne, o Afgàn, Afgàna i.s.p. (≠ de sufìks an)
  • citàde (≠ de sufìks ad)
  • opìto, inìtia, vizìte (≠ de sufìks it)
  • pozitìvi (≠ de sufìks ivo)
  • inìzo, kompromìzo, polìzi (≠ de sufìks izo)
  • kodìki, antìke (≠ de sufìks ik, wim in fizik, kimik)
  • poèti, holdète (≠ de fendad et, wim in bufet)
  • delfìne, avilìni (par de fendad in, wim in gardin, makin, ovin, id de adjetìve viden nome, wim pavrin, senin i.s.p.)

Je se mo obvizi te di nud klarim indiko de sta d'askenti ve vido min id men prosàn wan Uropi ve vido maj dispajen.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.